Wait is over...

From laila majnu to ‘prem and suman’(refer maine pyar kiya) to ‘Jai and Meera’(refer Love aaj kal) u see how the on screen interpretation of love stories have changed. Actually it reflects something which is actually happening in our surround. What a swing in love stories…Kabootar yes wahi udne wala dakiya there was a time when this symbol of piece had played a great roll in some immortal love stories and our film industry has greatly acknowledged this fact. U must not have forgotten the …kabotar ja ja but u see evolution and up rise in technology had made these pity fellow unemployed. It’s the 3 g time man it's super fast generation where you can send your thought to someone before it actually appear in your own mind…and all this come in less than 10 paisa…kabootar to mahnaga pad hi jayega and upper se yeh menka Gandhi aapka jeena haram kar degi so alag. But surge in technology has paralyzed our senses in such a way that today’s love birds talk hell lot on phone but they have nothing to talk actually…raat raat bhar chalu hai sayad Kashmir mudaa suljhate honge…so inki isi aadat ko bajate hue pesh hai chand lines pasand aaye and if u feel in sync with me…do acknowledge your comments are really valuable for me. Please press few keys i have pressed more to compose this...

Love aaj kal aur phone

Kahe pravakta prem aur, telephone ka mail

Jaise jalti jwala aur kiroseen ka tel

Kiroseen ka tel, aag khoob bhadkaaye

Bhayo catalyst phone, prem agan na bhujhne paaye

Bhai vikraal alp chingari, paay tel ko sang

Chhota dabba phone ka, kar sake brahmchar bhang

Hua brahmchar bhang, mitra ban premsukh

Takneeki ke jor ne, kar diye door dukh

Kahe kavivar ud gayo daur kabootran ka

Ab to samay aa gaya bhaiya, chumbkeey tarangan ka

Ranjha vichlit man ki dasha, ab jaane heer so fast

Jaise teevra fatafat ho jaye, loose motion ko blast

Doorbhas ka yantra, badi rahat pahunchaye

Premi yugal ke Madhya, fasla rah na paye

Laila majnu tadap gaye, na jane kitne saavan barse

Saal saal bechain rahe, chaukhta dekhan ko tarse

Waqt bura tha majnu ka, bhala kaise sandesh pahuchata

Patra baandh chhoda jisko, woh swyam, kabootrani ke peeche ud jata

Chamtkaar vigyan ka, ab aiso samay hai aao,

Saal maheene chaubish ghante, dil ki baat sunao

20-20 so prem hua hai, fata fat premi badalte jao

Mobile ke abhav me, becharo majnu to ek hi patay pao

Raat raat bhar jaga tha ranjha, gaa gaa virha ke geet

Ab to saari raat batiyaye laila, sunaye caller tune sangeet

Kitni roti khayi tumne, piya hai kitana pani

Kya kya kiya samooche din bhar, puri kaho kahani

Raat raat bhar khach khach pach pach, wahi purani baate

Stereotype so conversation, phir bhi nahi aghate

Premshudha me gote lete aaj ke forward poot,

Vodafone airtel ban baithe, prem ke modern doot,

Prem ke modern doot servicen aisi dete

Casenova ban jate romiyo, gar jinda hote

yadi hai apni girl friend, to ussse batlao

warna juli, riya, christene ko phone lagao

aisa nahi ki prem, matra tarngo par udta hai

paper khol ke dekho, prem classified me bhi milta hai,

Aap hi nahi akele jo prem ras chahe

Page no 27 par juli riya christene bhi, bharti hai aahe

9 digit ke code se, khulta prem nagar ka dwar

Aur prem ki keemat hai, prati minute rupaiya char

Laila majnu swarg me ,pahuche kaam dev ke dwar

Bole humse kyoun kiya, yeh second class vyahaar,

Second class vyahaar, samoocha jeevan tarse

Tumhari kripa ke phool, kabhi na hum par barse

Khatam ho gaya sara jeevan, bhayi na dhang se baat

Aaj dhara pe dhiru bhai, baantey prem Parsad

Bant rahe parsad, phata phat phone milao

10 paise prati minute me saari raat batiyao

Kya tha humra dosh jo itna humko tadpaya

Kyoun na humre jeet ji, tele phone banaya

Ati marmik vyath ko sun kar, kaam dev bhi dol pade

Kaafi der lagi bhakto par aakhir bhagwan bol pade

Kyoun rote ho vyarth ,putra tum to ek mishal ho

Nibhaya jisne prem chahe jo bhi haal ho

Yeh mobile phone ki peedhi, bas baato ki sher hai

Meri prem ki duniya me nahi kahi andher hai

Prem raas ki sundarta, bas baato se nahi badhti hai

Shabdo ka yeh khel nahi, yeh to ek kasauti hai

Yeh to ek kasouti hai, jis par ye khare utar na payenge

Sachhe premi ke naam se to bas laila majnu hi jane janenge, bas laila majnu hi jane janenge

-copyright

Sanjeev shukla